Sino Ako?
I. Ako’y isang babaeng nag-aaral lamang,
Nag-aaral sa pampublikong paaralan.
Nagsikap para sa aking kinabukasan,
Para mabuhay ng mapayapa at marangal.

II. Minsan na akong nagkamali sa buhay,
Nagkamali sa mga landas na tinahakan.
Nalulong sa mga kaibigan at barkada,
Naging pabaya sa pag-aaral.

III. Minulat ako ng aking ama,
Nagising sa mga katotohanan.
Namulat na mali ang ginagawa.
“Maraming salamat mahal kong ama”

IV. Binusog ako ng pagmamahal ng aking ama,
Inalagaan, inasikaso at minahal.
Busog din ako sa pagmamahal ng aking kapatid,
Ang mapagmahal na kapatid at malambing.

V. Ang nanay ko lang ang nagkulang,
Bata pa ay maagang nawalay sa kanya.
Natotong gumawa sa gawaing hindi ko pa kaya,
Kaya kinamulatan ang maging matapang at masipag.

VI. Ako ay mabait at may paninindigan.
Umiintindi sa mga tao na may problema.
Mapagbigay sa taong nangangailangan.
Laging handa sa mga bukas na dadatnan.